الأمل انهم جماعة واحنا شعب يا بو يمن !
03:34 2021/10/02
ذلحين تعتقدوا ياشعب اليمن إن الحوثيين نعثوا أم البلاد وجو للسلطة بالسلاح منسب تتحاوروا معاهم ويتحاوروا معاكم على مستقبل البلاد ؟
والله مافي حسهم حوار ولا في حسهم مستقبل بلاد وأمة وشعب
هولا كوبي مطور من كل نسخ الأئمة اللي جو للسلطة في اليمن عبر التاريخ بنفس طريقة الحوثيين ماخلو .
وعبر التاريخ ماوقع بين الأئمة واليمنيين اي حوار ولا أي سلام في كل نعثاتهم المتعلقة بأحقية الحكم الإلهي
هولا مستبدين لا يعنيهم مستقبل إنسان اليمن والله لو نحلس نتحارب العمر كله
هولا انقضوا على السلطة وماعندهم اي نيه يتوقفوا في نص الطريق
هولا لايمكن يتوقفوا إلا بهزيمة نكراء
والأمل الكبير أنهم جماعة
واحنا شعب يابو يمن
